Friday, July 19, 2024
Google search engine
HomeUncategorizedगोंदिया जिल्ह्यात आढळले 25 सारस पक्षी

गोंदिया जिल्ह्यात आढळले 25 सारस पक्षी

गोंदिया : जिल्ह्यात दरवर्षीप्रमाणे यावर्षी देखील 23 जून 2024 रोजी गोंदिया वनविभाग व जिल्ह्यातील विविध अशासकीय संस्था यांचे संयुक्त विद्यमाने सारस पक्षी प्रगणनेचे आयोजन करण्यात आले होते. गोंदिया जिल्ह्यातील सारस पक्ष्यांचे अधिवास असलेल्या गोंदिया, तिरोडा व आमगाव तालुक्यांतर्गत एकूण 70 वेगवेगळ्या ठिकाणी जिल्ह्यातील अशासकीय स्वयंसेवी संस्थेचे स्वयंसेवक, सारस मित्र, शेतकरी व गोंदिया वनविभागाचे अधिकारी व कर्मचाऱ्यांनी ही गणना सकाळी 5 ते 9 वाजेपर्यंत केलेली असून सारस पक्षी प्रगणनेमध्ये एकूण 25 सारस पक्ष्यांची नोंद झालेली आहे. काही स्थळांवर अपेक्षित असणारे सारस पक्ष्यांची जोडपी निदर्शनास न आल्याने सदर ठराविक स्थळांवर पुन्हा चमू 3 ते 4 दिवस भेट देवून गणना करणार आहे. सदर गणना पुर्ण झाल्यानंतरच नेमकी सारस पक्ष्यांची संख्या कळेल. सारस पक्ष्यांची प्रगणना करण्यासाठी एकूण 39 चमू तयार करण्यात आले होते. प्रत्येक चमूमध्ये स्वयंसेवी संस्थेचे स्वयंसेवक, सारस मित्र, स्थानिक प्रतिनिधी/शेतकरी, वन विभागातील वनपाल, वनरक्षक असे एकूण 5 ते 6 व्यक्ती सहभागी होते. सारस पक्षी प्रगणनेकरीता जिल्ह्यातील सेवा संस्था व इतर अशासकीय संस्थेचे स्वयंसेवक, सारस मित्र, शेतकरी तसेच गोंदिया वनविभागातील कर्मचाऱ्यांनी उत्स्फुर्तपणे सहभाग नोंदवून सारस पक्ष्यांचे अधिवास असलेले पाणथळ जागा, नद्या, शेतांमध्ये, तलावांजवळ जाऊन पाहणी करुन सारस पक्ष्यांची प्रगणना केली.

RELATED ARTICLES

LEAVE A REPLY

Please enter your comment!
Please enter your name here

- Advertisment -spot_img

Most Popular

Recent Comments