निवडणूक खर्च निरीक्षक कपिल कपूर यांची निवडणूक निर्णय अधिकारी गोंदिया कार्यालयाला भेट

गोंदिया : निवडणूक खर्च निरीक्षक कपील कपूर यांनी निवडणूक निर्णय अधिकारी, 65-गोंदिया विधानसभा मतदारसंघ कार्यालयाला भेट दिली. भेटी दरम्यान त्यांनी निवडणूक खर्च कक्ष व इतर कक्षाची पाहणी करून कार्यरत अधिकारी व कर्मचाऱ्यांकडून निवडणूक कामकाजाविषयी माहिती जाणून घेवून संबंधितांना मार्गदर्शन करुन आवश्यक त्या सूचना दिल्या. तसेच निवडणूक निर्णय अधिकारी गोंदिया यांच्यासोबत बैठक घेऊन निवडणूक कामकाजाबाबत आवश्यक त्या सूचना दिल्या. यावेळी उपविभागीय अधिकारी तथा निवडणूक निर्णय अधिकारी 65-गोंदिया विधानसभा मतदारसंघ चंद्रभान खंडाईत, तहसिलदार तथा सहाय्यक निवडणूक निर्णय अधिकारी समशेर पठाण, अप्पर तहसिलदार तथा सहाय्यक निवडणूक निर्णय अधिकारी श्रीकांत कांबळे, संपर्क अधिकारी प्रशांत इंगोले, जि.प. मुख्य वित्त व लेखा अधिकारी जनार्दन खोटरे, लेखा अधिकारी प्रविण वैद्य तसेच अधिकारी व कर्मचारी उपस्थित होते.