गोंदिया जिल्ह्यात रविवारी नगराध्यक्षपदाकरिता 15 तर नगरसेवाकरिता 263 अर्ज दाखल

गोंंदिया : गोंदिया जिल्ह्यातील गोंदिया व तिरोडा नगरपरिषद तसेच गोरेगाव व सालेकसा नगरपंचायतीकरीता उमेदवारी अर्ज दाखल करण्याकरीता आज(दि.१६)चांगलीच गर्दी दिसून आली.आज रविवारला 4 स्थानिक स्वराज्य संस्थेकरीता नगरसेवकर पदाकरीता 263 व नगराध्यक्ष  पदाकरीता 15 अर्ज दाखल झाले.यामध्ये गोंदिया नगरपरिषदेकरीता अध्यक्षपदाकरीता 4 तर नगरसेवकपदाकरीता 147,तिरोडा नगरपरिषद नगराध्यक्षकरीता 2, नगरसेवक पदाकरीता 40, सालेकसा नगरपंचायत नगराध्यक्ष पदाकरीता 4 नगरसेवक पदाकरीता 32 व गोरेगाव नगरपंचायत नगराध्यक्ष पदाकरीता 3 व नगरसेवक पदाकरीता 44 अर्ज दाखल झाले आहेत.
राकाँ,काँग्रेस व भाजपचे अधिकृत नगराध्यक्षपदाचे उमेदवार भरणार अर्जगोंदिया नगरपरिषदेच्या अध्यक्षपदाकरीता उद्या सोमवारला राष्ट्रवादी काँग्रेस पक्षाचा अधिकृत नगराध्यक्ष पदाच्या उमेदवाराचा व नगरसेवकांचे अर्ज राष्ट्रवादी काँग्रेसचे नेते खासदार प्रफुल पटेल यांच्या नेतृत्वात मिरवणुक काढत भरण्यात येणार आहे.त्याचप्रमाणे भाजप व काँग्रेसच्यावतीनेही मिरवणूक काढत उमेदवारी अर्ज सादर करण्यात येणार आहे. भाजप नेते डाॅ.प्रशांत कटरे यांनीही उमेदवारी न मिळाल्याने आपला नगराध्यक्ष पदाचा उमेदवारी अर्ज सादर करण्याची तयारी सुरु केली असून ते सुध्दा उद्या मिरवणूक काढून अर्ज सादर करणार आहेत.