Saturday, June 22, 2024
Google search engine
HomeUncategorizedआश्रमशाळेतील ४ शिक्षकांचा उत्कृष्ट शिक्षक म्हणून गौरव

आश्रमशाळेतील ४ शिक्षकांचा उत्कृष्ट शिक्षक म्हणून गौरव

गोंदिया : देवरी येथील एकात्मिक आदिवासी विकास प्रकल्प कार्यालयांतर्गत येणाऱ्या आश्रमशाळांमधील चार शिक्षकांचे उत्कृष्ठ शिक्षक म्हणून नुकताच गौरव करण्यात आला.
एकात्मिक आदिवासी विकास प्रकल्प देवरी अंतर्गत येणाऱ्या सर्व आश्रमशाळांमध्ये जागतिक दर्जाचे भविष्यवेधी शिक्षण विचार उपक्रम राबविला जात आहे. या उपक्रमात सर्वात महत्त्वाची भूमिका ही शिक्षकाची आहे. त्यामुळे जे शिक्षक दैनंदिन अध्ययन अध्यापन प्रक्रियेमध्ये नवनवीन संकल्पना,विद्यार्थी स्वतःहून शिकू शकतील असे उपक्रम, नाविन्यपूर्ण शैक्षणिक साहित्य निर्मिती व वापर करणाऱ्या उपक्रमशील शिक्षकांचा प्रत्येक महिन्याला देवरीचे प्रकल्प अधिकारी विकास राचेलवार यांच्या हस्ते प्रमाणपत्र आणि स्मृतिचिन्ह देऊन सत्कार करण्यात आला. यात पुरस्कार प्राप्त शिक्षकांमध्ये ककोडी शाळेचे माध्यमिक शिक्षक आशिष रामलाल राऊत,पुराडा शाळेच्या प्राथमिक शिक्षिका सुरेखा शंकर कोरे, बोरगाव बा शाळेच्या उच्च माध्यमिक शिक्षिका प्रमिला अरुण पाटील आणि प्राथमिक शिक्षक राहुल आत्माराम टेकाडे यांचा समावेश आहे.

प्रकल्प अधिकारी विकास राचेलवार यांची प्रतिक्रिया
आश्रम शाळेतील शिक्षकांना शिक्षक आणि पालक अशा दोन्ही भूमिका पार पाडाव्या लागतात. त्यामुळे जे शिक्षक विद्यार्थ्यांच्या शैक्षणिक गुणवत्तेसाठी उत्कृष्ट काम करतात अशा शिक्षकांना प्रोत्साहन देण्याची गरज आहे. त्यामुळेच आम्ही प्रत्येक महिन्याला उत्कृष्ट अशा शिक्षकांचा सत्कार करतो आहे.

RELATED ARTICLES

LEAVE A REPLY

Please enter your comment!
Please enter your name here

- Advertisment -spot_img

Most Popular

Recent Comments