प्रफुल पटेलांच्या गृह जिल्हा गोंदियात राष्ट्रवादी दुभंगली; २८ जुलैला शरद पवार गटाचा मेळावा

गोंदिया : रविवार १६ जुलै आणि त्यानंतर परत सोमवार १७ जुलैला अजित पवार गटाकडून दोन्ही गटांचे एकत्रीकरणाने मनोमिलनचे प्रयत्न अपयशी ठरले आणि त्यानंतर गोंदिया जिल्ह्यात म्हणजेच प्रफुल पटेलांच्या गृह जिल्हात गोंदिया नगरीत पण शरद पवार यांच्या गटाचा मेळावा होणार, असे निश्चित करण्यात आले. त्यामुळे आता प्रफुल पटेलांच्या गोंदिया जिल्ह्यात पण राष्ट्रवादी काँग्रेस दुभंगली आहे.
शरद पवार गटाचे नेतृत्व सध्या राष्ट्रवादी काँग्रेसचे प्रदेश सचिव पदावर विराजमान असलेले वरिष्ठ नेते वीरेंद्र जायस्वाल यांनी शरद पवार गटाच्या मेळाव्याचे आयोजन २८ जुलैला होणार असल्याचे तसेच या मेळाव्याला स्वत: शरद पवार, कार्यकारी अध्यक्ष खा.सुप्रिया सुळे, प्रदेशाध्यक्ष जयंत पाटील, जितेंद्र आव्हाड, अनिल देशमुख आदींची प्रमुख उपस्थिती राहणार व याच मेळाव्यात जिल्हा कार्यकारिणी ची घोषणा होणार असल्याची माहिती राष्ट्रवादी काँग्रेसचे प्रदेश सचिव वीरेंद्र जायसवाल यांनी दिली.