अतिमुसळधार पावसामुळे खांबी येथे घरांची पडझड

गोंदिया : अर्जुनी मोरगांव तालुक्यात आलेल्या अतिमुसळधार पावसामुळे अनेक लहान, मोठे तलाव, बोळी व नाले दुथडी भरून वाहू लागले आहेत. त्यातच तालुक्यातील खांबी या गावामध्ये १० सप्टेंबर  रोजी सकाळी ११:३० वाजताच्या सुमारास दोन घरे कोसळून पडले, मात्र कोणतीही जिवितहानी नाही. अनुसया महादेव ऊरकुडे व अशोक महादेव ऊरकुडे यांचे घर पावसामुळे कोसळले तेव्हा हे सर्व घऱातच होते. अशोक महादेव ऊरकुडे यांच्या घरी त्यावेळी माणूस म्हणून कुणी नसून घरामध्ये असलेली सर्व भांडी व इतर कुटुंब वापराचे साहित्य तिथे असलेल्या नागरीकांनी काढून मदत केली. सदर पडलेल्या घराचे संबंधित अधिकारी व प्रशासनाने पंचनामा करून नुकसान भरपाई देण्यात यावी.